У книгаВ.Абукаев лӱмеш поро кумылым ончыктышо «Ший памаш» фонд В.Абукаев лӱмеш премийым сулышо икымше лауреат-влакын возымыштым посна альманахеш савыктен…
2013 ий 27 декабрьыште М.Шкетан лӱмеш марий национальный драме театрыште самырык автор-влаклан увертарыме «Ший памаш» конкурс иктешлалте. «Ошкеча» (прозо) премий дене Эльвира Рыжова, «Кинде-шинчал» (поэзий) премий дене Татьяна Ибатиева ден Надежда Ложкина, «Виш чон» (журналистике) премий дене Светлана Кушакова палемдалтыч. «Кайыккомбо кашта» (драматургий) номинацийыште нигӧат ыш палемдалт. Тыге ме Яныш Ялкайн, Олык Ипай, М.Шкетан лӱмеш премий-влакын лауреатше, Марий Эл искусствын сулло пашаеҥже, Марий Элын калык писательже Вячеслав Абукаев-Эмгакым шарнышна.
Конкурслан негызым кокымшо ранган капитан, «ВПК НПО Машиностроение» корпорацийын еҥже, писатель Василий Краснов пыштен. Ӱмаштак Василий Владимирович Североморскышто поро кумылым ончыктышо «Ший памаш» сылнымут фондым почын.
– Шке жапыште мый Вячеслав Абукаев деч сылнымутым серыме шотышто кугу полышым налынам. Тиде поро пашам шуйымо семын самырык-влаклан шке полышем темлем, – ойла тудо. Россий Писатель ушемысе Марий Эл пӧлка вуйверын еҥже-влак Василий Владимировичлан кугу таум ойлат да тазалыкым, тыныслыкым тыланат.
Кидыштыда икымше лауреат-влакын книгашт. Могай сугынь мутым нунылан каласаш? Сылнымутым серыше-влак шукын улыт. Шагалынже возымыштым савыктат. Нунын кокла гыч икмынярже гына лудшылан курымашлык сылнымутым кучыкта. Но тиде икмынярже моло серкалыше-влак деч посна лийын кертыт ыле мо?.. Уке, очыни. Мый тыланем тыланда чолгалыкым, паша кумылым. Эн тӱҥжӧ — шкан ӱшанле кодса да йӧратыза. Молыжым жап ончыкта.

Автор: А.Кастрен, С.Чавайн лӱмеш премий-влакын лауреатше, поэт, Зоя Дудина

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.