Шочмо калыкнан шке кид дене тӱрлымӧ вургем да сылне арверым ыштыме мастарлыкшым шуко курымла дене марий илышым-йӱла негызеш вияҥын. Ме марий калык пӱртӱсын икшывыже улына, акрет годсек сылнылыкым ужын да шижын, уш-акыл поянлыкым тӱвыраҥден, вургемым, ӱзгар-влакым моторемдыме гоч ончыктена. Ожно чылажымат шке кид дене ыштеныт. Тиде кызыт кевытыш але пазарыш каен чыла налаш лиеш. Мутлан, калык модышым гын, Барби кукла алмашта, носким квытыште налаш лиеш. Пӧлекланат тыгак, но шке кид дене ыштыме да сӧрастарыме арвер садак шергырак.
Лачак тыгайрак йодышым 14 ноябрьыште Марий Эл Республикысе Т. Евсеев лӱмеш национальный тоштер пелен чумыргышо самырык-влаклан клубышт черетан «Йыргешке пӱкен» йыр вашлиймашым эртарен. Ты гана тудо калык прикладной сымыктыш тоштерыште эртен. Каҥашымашке «Калык кидпаша усталыкым ончыкшым кузе вияҥдаш» темым лукмо ыле.
Каҥашымашке тӱрлӧ виктышыште, сферыште тыршыше еҥ-влак погыненыт ыле: Марий Элысе тӱвыра, печать да калык-влакын пашашт шотышто министерствыште пӧлкам вуйлатыше Игорь Садовин, Т. Евсеев лӱмеш калыкле тоштерым вуйлатыше Лидия Смирнова, Марий Эл Республикысе «Пу вий» мер организацийым вуйлатыше Виталий Кудрявцев, тӱрлызӧ, Республикысе калыкле президент сымыктыш школышто туныктышо Алёна Ямбарцева, журналист, «Ончыко» журналын пашаеҥже Борис Шамиев да моло-влакат. «Йыргешке пӱкеным» «Мер каҥашын» еҥже Алёна Иванова вӱден. Каласен кодыман, «Кидшер» сайтын коллектившат тышке ушнен.
Самырык-влак ятыр йодышым пуэдышт, каҥашеныт. Мучаште тыгай иктешлымашым ыштышт: илен-толын, корка дене кылдалтше фестивальым эртараш, школлаште кидпаша дене кылдалтше занятий, кружок-влакым утларак вияҥден колташ.
Вес тыгай погынымаш Марий тиште кече деч ончыч лийшаш.

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.