«Книга – яллан» поро кумылым ончыктышо акций у вийым налеш. Тиде акцийышке кажне еҥ ушнен кертеш! Тӱҥ шонымаш: кӱлешан книгам кевытыште налын, але мӧҥгыштӧ аралалтше сай, но оккӱл книга-влакым иктаж ялысе школлан, библиотекылан пӧлеклаш. Тидын дене верысе лудмо да шинчымашым пуышо тӧнежлан могай-гынат полыш лиеш. Книга-влак, тӱҥ шотышто, марла але марий да моло финн-угор калык-влак нерген кӱлыт, историй, научно-популярный ден художественный литературат сай лиеш.
«Книга – яллан» акцийын организаторжо-влак: «ВийАр» тӱвыра да келшымаш кыл ушем ден «Кидшер» интернет-журнал. Тиде поро пашашке теат надырдам пыштен кертыда! Книга-влакым «Мер каҥашын» пӧлемышкыжӧ конден кертыда. «Мер каҥашын» пӧлемже Гагарин урем, 8 № пӧрт 211 кабинетыште верланен. Йодыш-влакым телефон-влак дене рашемден кертыда:8-902-670-70-54 (Николай), 8-987-720-10-14 (Алёна).
Акций «КонтактЫште». Ончаш »
Оҥай: «Книга — воштончыш, чӱчкыдынрак туш ончал»;
«Книга корно — кугу корно»;
«Книга — шинчымаш памаш»;
«Книгалан шушо йолташ уке»;
«Книгаште уш-ыҥ»;
«У книга — у шинчымаш».
Молодцы, ребята! Я тоже рад Вам помочь.
Большое спасибо за оказанную нам поддержку и помощь!
Коллектив этнокультурного сайта «Кидшер»