«Марий Форум: шыже сессий» лиеш!

Мер канаш28-29 ноябрьыште Мер политик рӱдерыште «Марий Форум: шыже сессий» эрташ тӱҥалеш. Уна-влак республикынан кажне районжо гыч да марий-влакын тӱшкан илыме Удмуртий, Башкортостан, Татарстан да моло кундем гыч толыт. Икымше кечын самырык-влак дене пашам ыштыме шотышто у йӧн-влакым илышыш шындарыме шотышто мутланымаш лиеш. Тӱвыра поянлыкым вияндаш самырык-влак мом ыштышаш улыт, могай у йӧн-влакым илышыш шындараш? Ӱдыр-рвезе-влак шке пашашт дене палдарат. А кокымшо кечын конференцийын пашаже эрташ тӱҥалеш. «Марий Форум: шыже сессийын» программыжым ончалаш темлена. 

28 кылме
12.30 – 13.00 —  Мер Каҥашын да тергыше комиссий-влакын еҥыштым палемдымаш;
13.00 – 16.30 — Мер Каҥаш кудымшо Пленумын погынымашыже:
1. Калык тӱвырам вияҥдымаште самырык тукымын пашаже. (докладчик: Иванова Е.А., Мер каҥашын еҥже)
2. В.Г. Блиновын, Г.С. Григорьевын, И.А. Ивановын, Л.Л. Михееван, Ю.А. Морозовын, Р.Ш. Попован да Ю.А. Юсуповын верысе марий Мер Каҥаш активын паша шынык нерген информацийышт.
3. Марий Эл ден марий-влак тӱшкан илыме регионла коклаште вашкелшык-влак шотышто информаций.
18.00 —  «Марий памаш» фольклор ансамбльын юбилей концертше.

29 кылме
09.00 – 9.30 — Конференций участник-влакым палемдымаш;
09.30 – 09.40 — Конференцийым почмаш;
09.40 – 10.00 — Марий Элыште калык-влак кокласе конфессий кыл: социал паша шынык (докладчик: Васютин М.З., Марий Эл Республикын тӱвыра печать да калык-влакын паша шотышто министр, Мер каҥашын еҥже)
10.00 – 11.00 — Улшо ото-влакым аралыме да у кумалме верым почмо паша шотышто; (докладчик: Таныгин А.И., Мер каҥашын еҥже)
11.00 – 12.00 — Марий-влакын Федерал калыкле-тӱвыра автономийым пеҥгыдемдыме конференцийыште лиймаш; (докладчик: Яковлева Л.Н., Россий Федерацийын Кугыжаны Думын депутатше)
12.00 – 13.00 — «Пермские марийцы» книга презентаций; (вӱдышӧ: Куклина Э.В., Мер каҥашын еҥже)

Форум годым Денис Речкинын «Марий-влак Россий мучко илат» фотосӱрет ончерже пашам ышташ тӱҥалеш.

Кидшер
Шонымашым ешараш