Таче, Ижевскыште, Калык-влак келшымаш пӧртыштӧ, Удмурт Республикыште илыше марий-влакын кудымшо погынышт эрта.
Тыште «Одо марий ушем» республикансе мер организацийын пашажым иктешлаш да ончыкылык планым пеҥгыдемдаш тӱҥалыт. Республикыште марий-влакын илыме районла гыч 140 делегат ден 36 эскерыше чумыргат. Удмуртийысе марий калык погын ныл ийлан ик гана эртаралтеш. Мер организацийын пӧлкаже-влак Ижевск, Сарапул, Воткинск олалаште, Кизнер, Грах, Алнаш, Малопургинский, Киясово да Каракулин районлаште улыт. 
Тиде кечынак «Строитель» культур пӧртыштӧ Марий самырык театр М.Рыбаковын «Окса мешак» пьесыж почеш шындыме спектакльым ончыкта.

Автор: С.Пехметова,
Материалым «Марий Эл» газетын сайтше гыч налме

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.