-12 C
Йошкар-Ола

Марий йылмым аралымаште да вияҥдымаште шуко пашам ыштыман!

Марий йылмым аралымаште да вияҥдымаште шуко паша ышталтеш: у технологийым илышыш шыҥдарат, марий концерт-программым калыклан эртарат, интернетыште тӱрлӧ марий проект-влакым вӱдат. Ик могыр гыч ончалаш гын, марий йылме аралалтеш да вияҥеш, а вес могырым кузерак?
Лачак тиде да моло йодыш-влаклан вашмутым 9 декабрьыште «Йыргешке пӱкен» клубыш погынышо-влак кычалыныт да каҥашеныт. Ты гана вашлиймаш марий лингвист, компьютер йылмызе Андрей Чемышев дене эртен.
Кызыт Андрей Чемышев Коми Республикыште ила да пашам ышта, но шке марий калыкшым огеш мондо. 
«Йыргешке пӱкен» клубышко погынышо-влак изирак иктешлымашым  ыштышт: марий йылме корпусым ышташ, марий йылме дене мутланаш вожылын шогыман огыл, интернетыште марий сайт ден блог-влакым шукырак ышташ, социальный сетьлаште икте-весе дене марий йылме дене мутланаш.

Читайте также

ОСТАВЬТЕ ОТВЕТ

Пожалуйста, введите ваш комментарий!
пожалуйста, введите ваше имя здесь

Лимит времени истёк. Пожалуйста, перезагрузите CAPTCHA.

Увер йогын

Кызыт лудыт