Шорыкйол — Озаҥ олаште!

Марий пайрем11 январьыште Озаҥысе Келшымаш пӧртыштӧ марий-влакын калыкле-тӱвыра автономий Шорыкйол пайремым эртарен.  Шорыкйол арня йӱла почеш Тошто ийым ужатен, У ийым вашлиеш.
Тиде пайрем мыланна, марий калыклан эн тӱҥ, 2015 ий – Каза ий. Шорыкйол касым Озаҥыште кажне ийын веселан эртараш тыршат. Пайремыш Озаҥыште илыше марий-влак толыныт, поснак ятыр самырык ен погыненыт.  Оза ден Озавате (автономийын вуйлатышыже Людмила Ивановна Мусихина) уна-влакым пура, мелна, когыльо дене сийленыт.  «Озаҥ марий» да самырык-влакын «Лай мардеж» ансамбльышт муро ден толшо калыкым куандарен. Касыште эн вучымо уна – тиде Васли Кугыза ден Васли Кува. Нуныштат яра кид дене толын огытыл. Самырыклан мужедыныт, тазалыкым, еш пиалым тыланеныт. Пырля мурен-куштен, туштым туштен, модын веселан гына пайрем касым эртареныт.

«Кидшер» интернет-журналын корреспондентше Софья Шарабуева.

Кидшер
Шонымашым ешараш