Йошкар-Оласе йоча да студент-влак Колумбым лудыт

Мероприятий 10 шагатлан тӱҥалеш.
Книга-издание-сборник-чтение

В.Колумб лӱмеш йоча да самырык-влаклан книгагудышто ага тылзын 20-ше кечынже «Колумб лудмаш» ола кӱкшытан поэзий таҥӱчаш эртаралтеш. Тудым Республикысе марий тӱвыра рӱдер оласе администраций дене пырля эртара. Мероприятий 10 шагатлан тӱҥалеш.

Конкурсыш йочасадын воспитанникше, школышто, кыдалаш да кӱшыл профессионал туныктыш тӧнежлаште тунемше-влак ушнат. Таҥӱчаш кок номинацийыште ийготым шотыш налын эртаралтеш.

«Сылнымут («Литературный») номинацийыште участник-влак В. Колумбын да поэт нерген почеламут-влакым лудыт, тыгак поэтын почеламутшылан возымо муро-влакым йоҥгалтарат. Поэтын вес йылмылаш кусарыме почеламутыштым лудын кертыт. Тыгак конкурсант шке возымо почеламутшо дене палдарен кертеш.

«Сем йогын» («Музыкальный») номинацийыш ушнышо-влак марий поэтын возымыжлан келыштарыме, тыгак шкеныштын возымо мурыштым шергылтарат.

1-3-шо верлаш лекше-влак Морко районышто эртыше республик кӱкшытан «Колумб лудмаш» конкурсышто шке вийыштым тергаш тӱҥалыт.

Кидшер
Шонымашым ешараш