Йошкар-Олаште моделян эше ик книгагудо лиеш. Тудо 2023-шо ийыште «Тӱвыра» калыкле проект кышкарыште Рӱдӧ йоча книгагудо негызеш ышталтшаш.
Тӧнежым уэмдаш федерал казна гыч вич миллион теҥге ойыралтеш. Рӱдӧ олаштына тиде моделян кокымшо книгагудо лиеш. Икымшыжым кодшо ийын почмо ыле. У книгагудышто пӱтынек мебель вашталтеш. Тудым мероприятий дене келшышын кусаркален шындаш лиеш. Книгагудын фондшо лудшо- влакын йодмышт почеш уэмдыме лиеш. Книгагудын зданийжым 1990-шо ийыште пашаш колтымо. Тушко Йошкар-Олан эҥер вес вел ужашысе калык да чоҥалтше микрорайонышто илыше- влак коштыт. Чылаже шым тӱжем наре еҥ возалтын.
Республикыштына 2020 ий гыч моделян куд книгагудым почмо. Тений идалык мучаш марте у тукым книгагудо Советский посёлкышто шке омсажым почеш.