Кечышот. 6 октябрь (шыжа)

Мо дене тиде кече шарнымашеш кодын? Могай лӱмлӧ еҥ шочмо кечыжым палемда? Тидын нерген «Кидшер» интернет-журналын материалыштыже.

Пайрем да шарнымаш дате-влак

  • Россий — Страховой ушемыште тыршыше пашаеҥ-влакын пайремышт палемдалтеш. Вес семынже ты кечым Страховщикын кечыже маныт.
  • Белоруссий — Архивист кече
  • Египет — Сарзе вий кече.
  • Казахстан — Бухгалтер да аудитор кече.
  • Куба — Кугыжаныш терроризм деч эҥгекыш логалше-влакын кечышт.
  • Туркмений —1948 ийысе мланде чытырналтмашыште эмганыше да колышо-влакым шарныме кече.

Событий

  • 1948 ий — Туркменистан элысе Ашхабад олаште мланде чытырналтмаш лийын. Тиде землетрясений 100 тӱжем утла еҥын илышыжым наҥгаен.
  • 1952 ий — КПСС-ын 19-ше погыныштыжо визымше пятилетка шотышто директивым илышыш шындареныт.
  • 1977 ий — МиГ-29 самолёт-истребитель икымше гана южыш нолталтын.

Шочыныт

  • 1888 ий — Сергей Григорьевич Чавайн, марий серызе, почеламутчо, СССР Серызе-влак ушемын йыжъеҥже, марий сылнымутлан негызым пыштыше, икымше марий почеламутым возышо, «Элнет» романын авторжо.
  • 1925 ий — Вера Михайловна Горинова, уста пашазе.
  • 1939 ий — Ананий Дмитриевич Лебедев, ял озанлык пашаеҥ, Россий Федерацийын сулло агрономжо.
  • 1936 ий — Зоя Прокопьевна Пиркова, ял озанлык пашаеҥ.
  • 1957 ий — Людмила Григорьевна Емельянова, тазалык аралтыш пашаеҥ.
  • 1975 ий — Надежда Валикаевна Пашкина, эстраде мурызо.

Калык пале

Ираидан кечыже. Ожно ты кечын мужедыныт: поснак окса дене кылдалтше турло йодышым рашемдаш тыршеныт. Тидлан кок энерын ушнымо верыш миеныт, да кок атыш кок энер гычат вудым налын, монго конденыт. Вара эскереныт, кудо атыштыже вуд иземеш: ару да шыман йогышо энерысе вуд шагалемын гын, оксат шула – манын ушаненыт.

Кидшер
Шонымашым ешараш