Марий Элыште у виктерын структурыжым пеҥгыдемдыме

Республикысе правительствын у структурыжым пеҥгыдемдыме. Марий Элым вуйлатыше Юрий Зайцев тидын шотышто Указеш кидпалыжым пыштен. Тудын дене келшышын исполнительный кучем органыште кок алмаштышылан шагалрак лиеш.

Юрий Зайцев правительстве председательын икымше алмаштышыже должностьым да Правительстве председательын алмаштышыже, Россий Президент пеленысе республикын постоянный представительже должностьым кораҥден.

Марий Элыште животный тӱня объект дене пайдаланымашым виктарыме, тергыме да оролымо департамент, самырык политике комитет, закупко сферыште контрактым виктарыме шотышто комитетым ыштыме лиеш.

Паша да занятость департамент социал вияҥмаш министерстве дене ушалтеш да Паша да социал аралтыш министерстве лӱман лиеш.

Информатизаций да связь департамент Цифран вияҥмаш министерствыш савырна, самырык политике, спорт да туризм министерстве Спорт да туризм министерстве лӱман лиеш.

Граждан оборона да калыкым аралыше комитет территориальный оборона шотышто мероприятийым ямдылаш праван лиеш.

Йолташ-влаклан палдараш
Кидшер
Шонымашым ешараш