Йошкар-Олаште калык кидпаша сымыктыш тоштерым уэмденыт. Тудын тувырашыжым, пырдыжшым, кӱваржым олмыктымо, волгалтарыме у системым шындыме, ончерлан у тоштер оборудованийым налме. Таче тушто «Лохановын пӧртшӧ: айдемын да тудын пӧртшын историйже деч калак мастарлыкын историйже марте» у экспозицийым торженственно почмо. Оласе интеллигент Павел Лохановын 20-шо курым тӱҥалтышысе пӧртшӧ кызытат ойыртемалтше памятниклан шотлалтеш.
Ончышо-влаклан уэмдыме выставке зал темлалтеш. Тушто Чарласе купеч пӧртын интерьержым уэш ыштыме, тыгак «Труженица» артельын чапланыше тӱрлымӧ цехшылан пӧлеклалтше ончер-влак пашам ыштат. Эше ик залыштыже Елена Кожинан 65 ияш лӱмгечыжлан пӧлеклалтше ончер верлана. Тудо декоративно-прикладной сымыктыш сӱретче, Российысе сӱретче-влак ушемын еҥже, Александр Григорьев лӱмеш Марий Эл Кугыжаныш премийын лауреатше.
Тоштерын эше ик проектше «Марий Элысе художественный промысел да ремеслон калык мастерже» Чап лӱмым налше мастар- влакын усталыкыштлан пӧлеклалтын.
«Марий Эл» кугыжаныш телерадио компаний