Кечышот. 17 октябрь (шыжа)

Мо дене тиде кече шарнымашеш кодын? Могай лӱмлӧ еҥ шочмо кечыжым палемда? Тидын нерген «Кидшер» интернет-журналын материалыштыже.

Пайрем да памятный дате-влак

  • ООН — Нужналык ваштареш кучедалме кече.

Событий

  • 1902 ий — Детройт олаште Кадиллак маркан икымше машинам ыштен лукмо.
  • 1938 ий — «Лӱддымылыклан» медаль «Лӱддымылыклан» медаль медальым пеҥгыдемдыме.
  • 1945 ий — Кёнигсберг олам Совет Ушемын составышкыже пуртымо.
  • 1991 ий — Марий Эл Республикыште Федерал антимонопольный службын управленийжым почыныт

Шочыныт

  • 1920 ий — Павел Васильевич Мальцев, серызе, сарзе вуйлатыше, генерал-лейтенант. Тудо – Марий Тӱрек кундем Водонер ялын эргыже. Паша корныжо сарзе сомыл дене кылдалтше лийын гынат, Павел Васильевич шке вийжым сылнымутыштат терген: 2 книгам савыктен луктын, тышеч «Неизведанный путь» лÿман повестьше шочмо ялжын историйже нерген палдара. Сарзе шанче кандидат.
  • 1951 ий — Валерий Павлович Данилов, Марий Элын сулло туныктыш пашаеҥже палемда. Морко кундемын эргыже кӱшыл шинчымашым Марий политехник институтышто налын. Икмыняр ий комсомол да партий пашаште тыршыме деч вара Марий радиомеханик техникумын вуйлатышыжлан шогалын. Суапле пашажлан Знак Почета орден да чап танык дене палемдалтын. 2006-шо ийыште «Российын 100 эн виян кыдалаш тунемме тӧнеж» конкурсышто «Идалыкын вуйлатышыже» лӱмым сулен налын.
  • 1952 ий — Валерий Дмитриевич Кульшетов, семлызе, Марий Эл да Россий Федерацийысе сымыктышын сулло пашаеҥже, Марий Эл Республикын композитор-влак ушемын вуйлатышыже, Олык Ипай лӱмеш премийын лауреатше. Шочмо верже – Марий Тӱрек. Шинчымашым Йошкар-Оласе сем училищыште, Моско оласе консерваторийыште поген. 1977-ше ий гыч Йошкар-Олаште музык училищыште туныктышылан ышташ тӱҥалын. Марий телевиденийыштат сем редактор семын пашам шуктен. Тӱвыра да сымыктыш колледжын эстрада пӧлкан вуйлатышыже.
  • 1956 ий — Владимир Фёдорович Ромашкин, мурызо, Марий Элын калык артистше. Курыкмарий кундемыште шочын. Шинчымашым Йошкар-Оласе музык училищыште, Озаҥ оласе консеваторийыште поген. 1983-шо ийыште паша корныжо Йошкар-Оласе музык училищыште туҥалын. Вокал дене туныктышо сомылым шуктен шога. «Марий кундем» ансамбльын солистше.
  • 1957 ий — Александр Иванович Новоселов, финанс да кугыжаныш пашаеҥ. Шкеже тудо Оршанка кундем Лужбеляк ял гыч. Оршанка кыдалаш школым тунем пытарымек, Марий кугыжаныш педагогик институтын физик-математик факультетыштыже шуаралтын. Шкенжым инженер, экономист, вуйлатыше пашате терген. Финанас министерствын федерал казначейство виктемыште пашам ышта. Россий Федерацийын икымше классан советникше.
  • 1960 ий — Виктор Петрович Константинов, артист. Юлсер кундем Нур-Шари ялыште шочын. 1983-шо ий гыч «Марий Эл» кугыжаныш куштышо ансамбыльын балет артистше лийын. Кызытсе паша корныжо «Чодыра сем» ансамбыль дене кылдалтын.
  • 1980 ий — Андрей Алексеевич Утятин, марий йылмызе, шанчызе, туныктышо, филологий шанче кандидат (2007), доцент (2013).

Калык пале

Ерофейын кечыже. Тиде кечын теле шкеж нерген шижтара, маныт. Чодыраш кошташ тыршен огытыл, молан манаш гын, чодыра кугыза тыйым йомын коштыктен кертеш.

Йолташ-влаклан палдараш
Кидшер
Шонымашым ешараш