Кечышот. 21 октябрь (шыжа)

Мо дене тиде кече шарнымашеш кодын? Могай лӱмлӧ еҥ шочмо кечыжым палемда? Тидын нерген «Кидшер» интернет-журналын материалыштыже.

Пайрем да шарнымаш кече-влак

  • Кочкыш йӧндартыш пашаеҥ-влакын кечышт.
  • Корно ыштыше пашазе-влакын профессионал пайремышт.
  • Ушымо Королевстве — Олма кече

Событий

  • 1520 ий — Фернан Магеллан у проливым почын, тудым вара Магеллан вӱдушык манынак лӱмденыт.
  • 1994 ий — Россий телевидений академий «ТЭФИ» премийым пеҥдемден.
  • 1997 ий — Александр Солженицын лӱмеш премийым кучыкташ кӱштыкым лукмо.

Шочыныт

  • 1927 ий — Виталий Прокопьевич Ворончихин, Марий Эл республикын сулло туныктышыжо. Марий Тӱрек кундем Изи Пиштанка ялеш шочын. 7 классым тунем пытарымеке, колкозышко пашашке пурен. Шинчымашым Йошкар-Оласе музык училищыште, Свердловск велысе консерваторийыште келгемден. 1960 ий гыч Йошкар-Оласе музык училищыште туныктышылан пашам ышташ тӱҥалын: вуйлатыше марте шуын. Сымыктыш тӱняште Виталий Прокопьевич контрабас дене шоктен, семӱзгарым шокташ йоча-влакымат кумылаҥден.
  • 1935 ий — Анатолий Филиппов, Чончурий (Анатолий Филиппович Филиппов), марий серызе, почеламутчо, журналист, Марий Эл Республикын сулло журналистше (1995), Марий Эл Республикысе тӱвыран сулло пашаеҥже (1995).
  • 1943 ий — Зиновий Андреевич Краснов, марий серызе, почеламутчо, журналист.

Калык пале

Трифон да Пелагеян кечыже. Ты кечын ожно кресаньык-влак телылан шокшо вургемым ямдыленыт: ужгам ургеныт, тоштым уэмденыт. Тиде кечын эше ик оҥай йӱлам шуктеныт: шинчалтыме ковышта але кияр дене печкем эҥер вӱд йымак чыкеныт. Вет телым ий йымалне вӱдын температурыжо 0 градус деч йӱштӧ ок лий: тидын дене кияр ден ковыштат огыт кылме, да тыгодымак огыт локтылалт улмаш.

Йолташ-влаклан палдараш
Кидшер
Шонымашым ешараш