Мо дене тиде кече шарнымашеш кодын? Могай лӱмлӧ еҥ шочмо кечыжым палемда? Тидын нерген «Кидшер» интернет-журналын материалыштыже.
Пайрем да шарнымаш кече
- Россий, Украина, Грузий, Болгарий, Румыний, Турций — Шем теҥыз пайрем.
- Россий — СИЗО да казамат-тюрьмаште пашам ыштыше-влакын кечышт.
- Тӱнямбал — Хэллоуин, шнуй-влакын кечышт.
Событий
- 1958 ий — Борис Пастернак Никита Хрущёвлан серышым возен: тушто Нобель премийым налаш тореш лиймыже нерген палдарен, Совет Ушемыштак кодаш йодын.
- 1961 ий — Йӱдым Мавзолей гыч Иосиф Сталинын капшым луктыныт.
Шочыныт
- 1923 ий — Василий Петрович Алексеев, Паша Герой. Юлсер кундем Кӱшыл Азъял ялеш шочын. Тӱҥалтыш класс шинчымашым налмек, ача-аваж ден пырля Сибирь кундемышке илаш куснен. Кугу Ачаэл сар корнымат эрташ логалын. Василий Петровичын паша корныжо чодыра озанлык дене кылдалтын. Социалистик паша герой. Суапле сомылжылан «Знак Почета» орден дене палемдалтын.
- 1955 ий — Геннадий Валентинович Васильев, шанче пашаеҥ. Тудо Морко кундем Чодрасолаште шочын. Кӱшыл шинчымашым Горькийысе мединститутышто поген. Ятыр жап Медведево санэпидемстанцийыште санитар врачлан пашам ыштен. 1985-ше ийыште тӱҥ эмлызылан шогалын. А 1993 ийыште Йошкар-Ола кугыжаныш санэпиднадзор рӱдерын тӱҥ эмлызыже лийын. Йошкар-Оласе депутат-влак погынымат вуйлатен. Икмыняр шанче пашан авторжо.
- 1977 ий — Эдуард Аркадьевич Иманаев, марий журналист, мер пашаеҥ, Россий Журналист-влак ушемын йыжъеҥже (2005), «Кугарня» газетын тӱҥ редакторжо (2015 ий шыжа тылзе гыч), «Марий калык конгресс» мер ушем вуйлатышын алмаштышыже (2018–2020), «Марий калык конгресс» мер ушемын вуйлатышыже (2020 ий шорыкйол тылзе гыч).
Калык пале
Шнуй Лукан кечыже. Ты кечын юмоҥа возышо, сӱретлыше-влакым чот саламленыт. Тыгак шоганым кочкыныт, икте-весылан шоганым ужаленыт.