Кечышот. 11 ноябрь (кылме)

Мо дене тиде кече шарнымашеш кодын? Могай лӱмлӧ еҥ шочмо кечыжым палемда? Тидын нерген «Кидшер» интернет-журналын материалыштыже.

Пайрем да шарнымаш кече

  • Икымше Ачаэл сарыште колышо-влакым шарныме кече.

Событий

  • 1837 ий — Санкт-Петербург да Царский Селам ушышо икымше пассажир кÿртньыгорным почыныт.
  • 1918 ий — Икымше тÿнямбал сар мучашлалтын.
  • 1983 ий — Икымше компьютер вирусым муыныт.

Шочыныт

  • 1941 ий — Виктор Сергеевич Иванов, йӧнозанлык пашаеҥ, Россий Федерацийын сулло химикше. Морко кундемыште шочын-кушкын. 1966-шо ий гычак тудо Пермь оласе пычалтар заводышто пашам ышташ тӱҥалын. Туштак шуаралтын.
  • 1950 ий — Николай Викторович Сорокин, озанлык вуйлатыше, Марий Элысе ял озанлыкын сулло пашаеҥже. Юрино посёлкышто шочын. «Горномарийский» совхозын вуйлатышыжлан тыршыме деч вара, Арда ушемыште шуаралтын. 1995-ше ий гыч «Марийхлебопродукт» ушемым вуйлаташ шогалын. 10 ий Марий Эл кугыжаныш погынын депутатше лийын. Суапле пашажлан чап танык дене палемдалтын.
  • 1956 ий — Вячеслав Андреевич Осипов, мурым возышо, мурызо, семмастар. Шочынжо тудо Юлсер кундем Моркиялыште. Паша корныжын ик кугу ужашыже туныктымаш дене кылдалтын. Купсола, Приволжский школлаште туныктышылан тыршен. Самодеятельный композитор семын 1983-шо ийыштак чапланен. Тунам тудо калыкланна «Вероника» мурыж дене палыме лийын. Вячеслав Андреевич ятыр мурызо дене кылым куча. Тудын мурыжо-влакым марий эстрадын шуко шӱдыржӧ йоҥгалтара.
  • 1974 ий — Купсольцева Любовь Николаевна, марий артистка, мурызо, радиовӱдышӧ, телевӱдышӧ, Марий Эл Республикысе Олык Ипай лӱмеш Кугыжаныш самырыктукым премийын лауреатше (2010), Марий Эл Республикын сулло артистше (2014), Йыван Кырля лӱмеш театр премийын лауреатше (2015).

Калык пале

Авраамий да Анастасия-влакын кечышт. Тиде кече кÿтÿчö-влакын пайремыштлан шотлалтын: нуным уло ял дене сийленыт. А Шнуй Авраамий ден Анастасия деч шорык таза лийже манын йодын кумалыныт.

Йолташ-влаклан палдараш
Кидшер
Шонымашым ешараш