Кечышот. 15 ноябрь (кылме)

Мо дене тиде кече шарнымашеш кодын? Могай лӱмлӧ еҥ шочмо кечыжым палемда? Тидын нерген «Кидшер» интернет-журналын материалыштыже.

Пайрем да шарнымаш кече

  • Призывникын кечыже
  • Тамакым шупшмо ваштареш кучедалме кече
  • Философийын кечыже

Событий

  • 1932 ий — Ленинградысе Казанский черкыште юмынйÿла тоштерым почыныт.
  • 1933 ий — Москваште икымше троллейбус-влак рейсыш лектыныт.
  • 1934 ий — Телевидений дене икымше йÿкан передачым ончыктеныт.

Шочыныт

  • 1912 ий — Алексей Эрыкан, марий серызе, почеламутчо, СССР Серызе-влак ушемын йыжъеҥже (1937).
  • 1920 ий — Семён Иванович Иванов, Кугу Ачаэл сарын геройжо. Морко кундем Мари-Кужер ялыште шочын. Кугу сар жапыште лӱддымылыкым, патырлыкым ончыктымылан тудо Кок Йошкар Шӱдыр орден дене палемдалтын. Пӧртылмеке, Мари-Кужер кандашияш школышто пашам ышташ тӱҥалын да 1980-ше ий марте тыршен – вуйлатыше лийын.
  • 1938 ий — Юрий Васильевич Грязин, спортсмен. Кужэҥер кундемыште шочын. Армий радамыште службым эртыме годымак мотоспорт деке шӱмаҥын. Ятыр гана республикысе чемпионатыште сеҥен. Тыгак Совет Ушем чемпионатыште визымше верым сулен. Совет Ушем спорт мастер.
  • 1959 ий — Геннадий Анатольевич Васильев, Марий Элысе ял озанлыкын сулло пашаеҥже. Морко кундем Шӱргӧсолаште шочын-кушкын. Марий кугыжаныш университетын историй пӧлкажым тунем пытарен, но чапым ял озанлык пашаште сулен. 1991-ше ий гыч «Коркатовский» озанлыкым вуйлаташ шогалын. 1996-шо ийыште кугыжаныш погынын депутатше лийын.
  • 1952 ий — Евгений Зиновьевич Васютин, Марий Элын да Россий Федерацийын сулло юристше. Кӱшыл шинчымашым Озаҥысе университетыште налын. Ончыч министерствыште, вара «Лесмаш» ден «Контакт» заводлаште юристлан пашам ыштен. 11 ий Республикысе Арбитраж судым вуйлатен. Вара Ульяновск областьысе Арбитраж судын вуйлатышыже лийын. Михаил Зиновьевич Васютинын изаже.
  • 1953 ий — Николай Павлович Кислицын, чодыра озанлык специалист, Россий Федерацийын сулло чодыразыже. 1974-ше ий гычак тудо Морко чодыра озанлыкыште оролымаш инженерлан пашам ышташ тӱҥалын. Вара тӱҥ чодыразе, а 2004-ше ий гыч вуйлатышыже лийын.

Калык пале

Акиндин да Пигасийын кечыже. Ты кечын сурт водыжлан посна тÿткышым ойыреныт. Тудлан лÿмын пучымышым шолтеныт.

Йолташ-влаклан палдараш
Кидшер
Шонымашым ешараш