Мо дене тиде кече шарнымашеш кодын? Могай лӱмлӧ еҥ шочмо кечыжым палемда? Тидын нерген «Кидшер» интернет-журналын материалыштыже.
Пайрем да шарнымаш кече
- Тӱрлö юмынйӱла, национальность дек чытымашым ончыктымо кече палемалтеш.
- Проектировщикын кечыже
Событий
- 1848 ий — Лондонышто композитор Фредерик Шопенын пытартыш концертше лийын.
- 1933 ий — Совет Ушем да США коклаште дипломатический кылым пеҥгыдемдыме.
- 1945 ий — ЮНЕСКО ушемым почмо: тудо наука, тÿвыра да образований йодыш-влакым рашемдымаште тырша.
- 1965 ий — «Венера-3» корабльым космосыш колтымо.
- 1970 ий — Йошкар-Олаште троллейбус транспорт кучемым почмо.
Шочыныт
- 1912 ий — Алексей Николаевич Семёнов (Алексей Эрыкан), марий серызе, «Кучедалме тулеш» да «Чолпан Иван» роман-влакын авторжо. Шочмо верже Урал велысе Арти кундем Андраул ял. 1937-ше ийыште репрессийыш логалын, тудым ссылкыш колтеныт: туштак ӱмыржӧ лугыч лийын. 1957 ийыште ӱмыр лугыч лийын.
- 1920 ий — Галина Александровна Новикова, эмлызе да Кугу Ачаэл сарын геройжо, Россий Федерацийын сулло эмлызыже шочын. 1942-шо ийыште шочмо Озаҥ оласе мединститутым тунем пытарымек, 22 ияш самырык ӱдыр сарышке каен. Лӱддымылыкым ончыктымылан, ятыр еҥым колымаш деч утарымыжлын, эмлымыжлан тудым Йошкар Шӱдыр орден дене палемденыт. Марий Эл Республикысе тӱҥ эмлымверыште шуко ий невропатологлан ыштен.
- 1947 ий — Александр Александров, марий серызе, почеламутчо, шанчызе, филологий шанче кандидат (1972).
- 1947 ий — Нина Григорьевна Османова, актриса, Марий Элын сулло артисткыже палемда. Шочынжо тудо Мари-Турек кундем Мари-Китня ялыште. Усталык дене кылдалтше пашаже М. Шкетан лӱмеш Марий калыкле драме театрыште тӱҥалын, варажым 8 ий Марий самырык театрын сценыштыже шуйнен. Тиде жапыштак республикысе тӱвыра да сымыктыш колледжыште туныктыш семын тыршен. «Аршаш» ансамбльын режиссёржыланат пашам ыштен.
- 1974 ий — Елена Геннадьевна Мочалова, актриса. У Роҥго кундем Шӱдысолаште шочын. 1998-ше ийыште тудо М. Шкетан лӱмеш Марий калыкле драме театрын сценыштыже модаш тӱҥалын. Икымше театр сезоныштак Елена Геннадьевна «Ачийжат-авийжат» спектакльыште Ведесан рольжым устан чоҥен, умбакыже тудым Чавайнын «Окса тулышто» Очийын, Арбанын «Кеҥеж йӱдыштӧ» Катян рольыштыжо ужаш лийын.
- 1974 ий — Сергей Александрович Пчёлкин, гармоньчо. Морко кундем Волаксолаште шочын. Шокташ 1 номеран школ-интернатыште, а вара сем колледжыште тунемын. Кызытсе пашажат тӱвыра алан дене кылдалтын, Сергей Пчёлкиным чӱчкыдын концертлаште ужаш лиеш.
Калык пале
Аннан кечыже. Тыгай калыкпалым эскереныт: ондак вочшо лум тиде кечын шула гын, шушаш ийыште кинде лектыш сай лиеш, чот йÿштö гын – шужен ий вуча.