Йошкар-Олаште калык мастар-влакын этнофорумышт лиеш

Куд регионын еҥже-влак Марий Элыште калык мастар-влакын этнофорумышкышт ушнен кертыт. Нуно калык костюм дене пашам ыштыше мастар-влак лийыт.

Калык мастар-влакын «Марий шовыр» кокымшо форумышт 25-ше ноябрьыште Марий самырык театрыште лиеш. Тушко марий вургемым ургышо, тӱрым тӱрлышӧ, калык вургемым погышо-влак Марий Эл, Пермь край, Киров область, Тюмень, Башкортостан, Свердлов область гыч толыт.

Форумышто мастар класс-влак, вургемым ончыктымаш, доклад-влак лийыт. Уна-влаклан шке мастарлыкыштым «Марий памаш», «Визым вел», «Сем аршаш», «Салика» усталык коллектив-влак ончыктат.

«Марий Эл» кугыжаныш телерадио компаний

Йолташ-влаклан палдараш
Кидшер
Шонымашым ешараш