Кечышот. 27 ноябрь (кылме)

Мо дене тиде кече шарнымашеш кодын? Могай лӱмлӧ еҥ шочмо кечыжым палемда? Тидын нерген «Кидшер» интернет-журналын материалыштыже.

Пайрем да шарнымаш кече

  • Теҥыз пехотын кечыже.

Событий

Шочыныт

  • 1927 ий — Дмитриев Валентин Дмитриевич, марий серызе, почеламутчо, журналист, кусарыше, СССР Серызе-влак ушемын йыжъеҥже (1975).
  • 1938 ий — Рыбакова Галина Сергеевна, тазалык аралтыш пашаеҥ, Марий республикын сулло эмлызыже. Угарманысе мединститутым тунем лекмек, Йошкар-Оласе 3-шо №-ан поликлиникыште терапевтлан тыршаш тӱҥалын. 5 ий Совет Ушем кӱшыл погынын депутатше лийын. Суапле пашажлан ятыр чап танык дене палемдалтын.
  • 1939 ий — Котов Михаил Михайлович, Мордва кундемын эргыже, ялозанлык пашаеҥ, Марий республикын сулло шанчыеҥже. Марий кугыжаныш техник университетыште чодыра озанлык факультетын деканже лийын. Ял озанлык шанче кандидат. Академик.
  • 1957 ий — Гаврилова Светлана Васильевна тӱвыра пашаеҥ шочын. Шкеже тудо Провой кундем Пӱнчылӱвал ял гыч. Паша корныжо районысо тӱвыра пӧлка дене кылдалтын, тушто тудо мурызо семынат шуаралтеш. Тыгак Светлана Васильевна уста тӱрлызӧ семын палыме. Мер пашаштат кугу пагалымашым сулен.
  • 1962 ий — Семёнова Лидия Васильевна Марий Элын сулло журналистше. Тудо Морко район Шеҥше селаште шочын-кушкын. Ятыр ий «Кугарня» газет редакцийыштат тыршен, но 2004-ше ийыште «Ямде лий» газет редакцийышке уэш пӧртылын да вуйлатыше сомыллан пижын.
  • 1963 ий — Мосунов  Михаил Юрьевич, кумдан палыме артист, Марий Эл Республикын Калык артистше. Музык дек 21 ияш улмыж годым шӱмаҥын. 1998-ше ийыште Марий кугыжаныш филармонийын солистше лийын. «Песня России» конкурсышто лауреат лӱм дене палемдалтын да 2002-шо ийыште Москваште эртаралтше «Виктория» салтак-влак муро конкурсышто гран-прим сеҥен налын.

Калык пале

 

Йолташ-влаклан палдараш
Кидшер
Шонымашым ешараш