О.Ипай лӱмеш кугыжаныш молодёжный премийын лауреатше-влакын лӱмышт рашемын

Олык Ипай лӱмеш кугыжаныш молодёжный премийын лауреатше-влакын лӱмышт рашемын. Премийым пуымо шотышто указым Марий Элым вуйлатыше Юрий Зайцев 8-ше декабрьыште пеҥгыдемден.

«Сылнымут, сымыктыш да архитектура» аланыште марий тӱвыра колледжын туныктышыжо Иван Каменщиков, Эрик Сапаев лӱмеш театр гыч прима-балерина Кристина Михайлова, Самырык театр гыч Галина Соловьёва, киностудийым вуйлатыше Денис Шаблий, «Марий мурсем» ансамбль премийым налыт.

Шанче, технике да производство аланыште Марий университетын марий йылме да сылнымут кафедрыжын кугурак туныктышыжо Елена Ласточкинан лӱмжӧ уло.

Социал кӱлешан да мер паша аланыште тӱвыра министерстве гыч консультант Николай Любимов, «Марий самырык тукымын слётшо, Марий йылме кафе, Кеҥеж сылнымутчо» проект-влакын автор коллективышт, Марий самырык театр гыч Михаил Александров, Валентина Семёнова палемдалтыныт.

«Марий Эл» кугыжаныш телерадио компаний

Йолташ-влаклан палдараш
Кидшер
Шонымашым ешараш