Мо дене тиде кече шарнымашеш кодын? Могай лӱмлӧ еҥ шочмо кечыжым палемда? Тидын нерген «Кидшер» интернет-журналын материалыштыже.
Пайрем да шарнымаш кече
- Курык-влак тӱнямбал кече.
- Аргентина — Танго кече.
Событий
- 1699 ий — Россий флотын Андреевский тистыжым пеҥгыдемдыме.
- 1802 ий — Санкт-Петербург олаште пожарник-влакын пöлкаштым почыныт.
- 1972 ий — «Апполон-17» космический корабльын экипажше XX-шо курымышто пытартыш гана Тылзыш шинчын.
Шочыныт
- 1932 ий — Арсланов Леонид Шайсултанович, шанчызе, йылмызе, туныктышо, филологий шанче доктор (1982), профессор, Россий Федерацийысе шанчын сулло пашаеҥже, Татар АССР-ысе шанчын сулло пашаеҥже (1991). Шкеже мари. Елабугысо пединститутышто ятыр ий туныктышылан пашам ыштен. Татар филологий кафедрын вуйлатышыжланат шоген. Кама эҥер вес велнысе верлан топонимикыжым шымлымеке шагал огыл марий калыкын илыме верышкат логалын. Тюрколог. Профессор.
- 1937 ий — Ельмаков Юрий Александрович — сӱретче, Марий Эл Республикысе тÿвыран сулло пашаеҥже. У Роҥго кундемысе Экесола гыч. Сымыктыш аланыште тиде уста сӱретчын лӱмжӧ кумдан чапланен.
- 1938 ий — Александров-Арсак Алексей, марий серызе, мурызо, почеламутчо. Юлсер кундем Шарембал ял гыч лийын. Паша корныжо шочмо районысо школла дене кылдалтын. Вара радиоштат, «Марий коммуна» газет, «Ончыко» журнал редакцийлаштат пашам ыштен. «Йолгорно», «Шонымем, вучымем, йӧратымем» почеламут да «Ӱмыр кыл», «Шымавуч» прозо книга-влакын авторжо. 70 ияш лӱмгечыже вашеш «Юмын капка ончылно» канигам савыктен. Тудын возымо ятыр почеламутшылан композитор-влак семым келыштареныт.
Калык пале
- Купшÿльö окна дек толын кычкыра гын, куан уверым вучыман.
- Тиде кечын тыгай мужедмашым эртареныт: икмыняр ший оксам лумыш кудалтеныт, а вара кычалыныт. Эн ончыч кугурак оксам муат гын – пиаллан.