Кечышот. 16 декабрь (теле)

Мо дене тиде кече шарнымашеш кодын? Могай лӱмлӧ еҥ шочмо кечыжым палемда? Тидын нерген «Кидшер» интернет-журналын материалыштыже.

Пайрем да шарнымаш кече

  • Бахрейн — Калык кече
  • Бангладеш — сеҥымаш кече
  • Казахстан — Эрык кече.

Событий

  • 1773 ий — «Бостонский чаепитий». Великобританийын чайлан налогым кугемдымылан американ колонист-влак мятежым тарватеныт. Бостонын портышкыжо кондымо чай яшлык-влакым вÿдыш кышкеныт.
  • 1899 ий — «Милан» футбол командым чумырымо.
  • 1931 ий — «Ромэн» профессионал чыган театрым почмо.

Шочыныт

  • 1946 ий — Юадаров Климентий Германович, гыч тӱвыра да шанче пашаеҥ, Марий Эл Республикысе тӱвыран сулло пашаеҥже. Курыкмарий кундемыште шочын. Тудо этнограф, фольклорист семын кумдан палыме: руш-марий, руш-курыкмарий мутер-влакын авторжо. Климентий Германович курыкмарий кундемысе калыкын йӱлажым, историйжым шымлен, ятыр книгам савыктен луктын.
  • 1951 ий — Тивиков Владимир Игнатьевич, спортъеҥ. Ик сутка куржталмаште шке вийжым терга. 1993-шо, 1997-ше ийлаште Владимир Игнатьевич Европын чемпионжо лӱмым налын.
  • 1955 ий — Белоусов Николай Владимирович, агроном. Киров вел Яраҥ кундемыште шочын. Кӱшыл шинчымашым Марий кугыжаныш университетыште налын. 1994-ше ий гыч тудо кушкыл-влакым аралыме республикысе станцийыште пашам ышташ тӱҥалын, а ик ий гыч вуйлатышыже лийын. Ял озанлыкыште шуко ияш шудо, тӱрлӧ саска, пареҥге сорт-влакым шыҥдарымаште Николай Владимировичын надырже изи огыл. Тидлан тудо кугыжаныш премий денат палемдалтын.
  • 1957 ий — Долгова Зинаида Васильевна, марий серызе, почеламутчо, драматург, артист, СССР Серызе-влак ушемын йыжъеҥже (1975), Марий АССР-ын сулло артистше (1996), Марий АССР-ын Калык артистше (1999), Йыван Кырла лÿмеш театр премийын лауреатше (ныл гана).
  • 1957 ий — Садовин Игорь Геннадьевич, кугыжаныш пашаеҥ. Шернур кундемыште шочын. Кугыжаныш да мер пашаштат тудо кугу пагалымашым сулен: Кугыжаныш погынын информаций да аналитик пӧлкан вуйлатышыжат лийын. Суапле пашажлан чап танык денат палемдалтын. Игорь Геннадьевич тӱвыра министерствын пӧлка вуйлатышыже.
  • 1970 ий — Зайцев Юрий Викторович, российыйсе кугыжаныш пашаеҥ, Марий Эл Республикын Вуйлатышыже.
  • 1991 ий — Трутникова Марина Евгеньевна, театр актриса. Юлсер кундем Вахоткино ялыште шочын, 2010 ийыште И. С. Палантай лӱмеш тӱвыра да сымыктыш колледжыш «Курчак театр актёр» специальностьыш вигак кокымшо курсыш пурен. Студент пагытыште Курчак театрыште тыршен, 2015 ийыште М.Щепкин лӱмеш Кӱшыл театр училищым тунем пытарен да М. Шкетан лӱмеш Марий кугыжаныш драме театрын актёржо лийын.

Калык пале

  • Тиде кечын чынак шагалрак мутланаш тыршеныт. Тошто калыкын шонымашыже почеш, осал вий йÿкетым шолыштын кертеш.
  • Игечымат тиде кечын онченыт, кече йошкарген шинчеш гын, йӱштылан, пыл коклаш йомеш гын, лум толшаш.
Йолташ-влаклан палдараш
Кидшер
Шонымашым ешараш