Кечышот. 1 январь (шорыкйол)

Мо дене тиде кече шарнымашеш кодын? Могай лӱмлӧ еҥ шочмо кечыжым палемда? Тидын нерген «Кидшер» интернет-журналын материалыштыже.

Пайрем да шарнымаш кече

  • У ий пайрем

Событий

Шочыныт

  • 1939 ий — Апатеев Авенир Арсентьевич, курыкмарий серызе, туныктышо, верысе краевед, Марий Эл Республикын сулло туныктыш пашаеҥже (1994).
  • 1949 ий — Васильев Валентин Николаевич, марий йылмызе, туныктышо, филологий шанче кандидат (1984), доцент (1992), Финн-угор ушемын йотэлысе йыжъеҥже (Хельсинки), Марий Эл Республикын сулло туныктыш пашаеҥже (2004).
  • 1951 ий — Шкалин Виталий Никифорович, марий серызе, журналист, Марий Эл Республикын сулло журналистше (1993), Россий Серызе-влак ушемын йыжъеҥже (2006).
  • 1954 ий — Кульбаева Наталия Ивановна, марий йылмызе, шанчызе, туныктышо, театровед, филологий шанче кандидат (1997), Россий Федераций Театр пашаеҥ-влак ушемын йыжъеҥже (2007).
  • 1959 ий — Изилянова Валентина Михайдаровна, марий серызе, почеламутчо, кусарыше, СССР Серызе-влак ушемын йыжъеҥже (1988), Марий Эл Республикысе Олык Ипай лӱмеш Кугыжаныш самырыктукым премийын лауреатше (1994), Марий Эл Республикысе С.Г. Чавайн лӱмеш Кугыжаныш премийын лауреатше (2007), Марий Эл Республикысе тӱвыран сулло пашаеҥже (2016).
  • 1960 ий — Лого Виталий Егоров, марий серызе, почеламутчо, туныктышо.
  • 1960 ий — Козлов Владимир Никифорович (Лайд Шемйэр), марий серызе, почеламутчо, журналист, мер пашаеҥ, Эстон Республикын 5-ше степенян «Маарьямаа Ырес» орденын кавалерже (2001), А. Смирнов лӱмеш «Журналистский талылыклан, гражданский патырлыклан да принципиальностьлан» премийын лауреатше (2001).

Калык пале

Йолташ-влаклан палдараш
Кидшер
Шонымашым ешараш