Лосев лӱмеш историй да сӱрет тоштерым капитально олмыкташ тӱналыт

Юрино посёлкышто Лосев лӱмеш историй да сӱрет тоштерым тений «Тӱвыра» калыкле проект кышкарыште капитально олмыкташ тӱналыт. Тиде пашалан 9,5 млн тӱжем теҥгем ойырымо.

Тений леведышым, пӧрткоклам, пачаш кокласе перекрытийым, фасадым олмыктат, ырыктыме системым, электросетьым, кокла пырдыжым, кӱварым вашталтат, зданийым вӱд пуч да канализаций деке ушат, оролышо да пожар сигнализацйиым, йӱк дене увертарыме системым шындат. Ончерым ямдылыме пӧлем- влак кызыт пеш изи улыт, сандене тӱшка экскурсийым эртараш неле.

Олмыктымо годым пӧлем-влакым иктыш ушаш шонат, тидыже экскурсийлан кумдыкым ешара, шукырак экспонатым вераҥдаш полша, тунемше- влаклан урок деч ӧрдыжсӧ мероприятийым эртараш йӧным ышта. Кызыт тоштерыште вич ончер экспозиций пашам ышта, коллекцийыште 1 200 экспонат уло.

«Марий Эл» кугыжаныш телерадио компаний

Кидшер
Шонымашым ешараш