Российыште марий-влакын чотышт шагалемын

Перепись почеш элыштына 423 тӱжемат 803 марий ила

Российыште марий-влакын чотышт 124 тӱжем наре еҥлан шагалемын. Перепись почеш элыштына 423 тӱжемат 803 марий ила. Пытартыш лу ий жапыште 123 тӱжемат 802 марийлан шаглрак лийын.

2021-ше ийыште калык переписьын лектышыжым Росстат увертарен. Кызыт марий- влак  228 тӱжемат 291 ӱдырамаш да 195 тӱжемат 512 пӧръеҥ улыт. 2010-шо ийыште марийын чотшо 547 тӱжемат 605 еҥ лийын.

Эн шуко марий 55,9% але 237 тӱжемат 161 еҥ ялыште ила. Марий- влак элысе чыла гаяк кундемыште улыт. Утларакше — Марий Элыште — 58 процент але 246 тӱжем еҥ, Башкортостаныште — 85 тӱжем наре еҥ. Тыгак тӱшкан Татарстаныште, Киров ден Свердлов областьлаште, Удмуртийыште, Хант-Манси автоном округышто, Угарман областьыште илат.

Марий йылмым палыше-влакат шагалемыныт. 2010-шо ийыште 451 еҥ марла ойлен гын, 2020-шо ийлан 258 тӱжем утла еҥ гына йылмым палымыжым ончыктен. 192 тӱжем еҥ марла ом мошто манын каласен.

«Марий Эл» кугыжаныш телерадио компаний

Кидшер
Шонымашым ешараш