«Книга – яллан» поро кумылым ончыктышо акцийышке  кажне еҥ ушнен кертеш! Акцийын тӱҥ шонымашыже: кӱлешан книгам кевытыште налын, але мӧҥгыштӧ аралалтше сай, но оккӱл книга-влакым иктаж ялысе школлан, библиотекылан пӧлеклаш. Тидын дене верысе лудмо да шинчымашым пуышо тӧнежлан могай-гынат полыш лиеш. Книга-влак, тӱҥ шотышто, марла але марий да моло финн-угор калык-влак нерген кӱлыт, историй, научно-популярный ден художественный литературат сай. 
«Книга – яллан» поро кумылым ончыктышо акций икымше гана 2013 ийыште шошым эртаралте. Тидлан тӱҥалтышым «ВийАр» тӱвыра да келшымаш кыл ушем пыштыш. Шуко книгам поген Пошкырт кундемыш колтымо. Кодшо ийын «Кидшер» интернет-журналын йодмыжо почеш, «ВийАр» тӱвыра да келшымаш кыл ушем  тиде акцийлан у шӱлышым пуэныт.
Ты гана акций эртарыме годым чылажге кок тӱжем утла книга ден журналым погымо. Нине книга ден журнал-влакым Татарстан, Одо, Пошкырт кундемлашке колтымо. Акцийышке уло кумлын Марий Элысе мер-политик газет «Марий Эл» – тӱҥ редактор: А. С. Абдуловлан, йоча-влаклан пӧлеклалтше «Ямде лий» газет – тӱҥ редактор Л. В. Семёновалан, амалкалче Сергей Карпов да Валерий Очеевлан пеш кугу таум ойлена.
А акцийна умбакыжат шуйна. Тиде поро пашашке теат надырдам пыштен кертыда! Книга-влакым «Мер каҥашын» пӧлемышкыжӧ конден кертыда. «Мер каҥашын» пӧлемже Гагарин урем, 8 № пӧрт 211 кабинетыште верланен. Йодыш-влакым тыглай телефон-влак дене рашемден кертыда: 8-987-720-10-14 (Алёна), 8-927-887-85-62 (Николай).  Акций «КонтактЫште». Ончаш »

Оҥай: «Книга – воштончыш, чӱчкыдынрак туш ончал»;
«Книга корно – кугу корно»;
«Книга – шинчымаш памаш»;
«Книгалан шушо йолташ уке»;
«Книгаште уш-ыҥ»;
«У книга – у шинчымаш».

«Кидшер» интернет-журналын тӱҥ редакторжо
Николай Любимов ямдылен.

2 ВАШМУТ-ВЛАК

  1. Поро пашам ыштен шогеда. Тиде акций Сылнымут идалыкыштат шке пашажым тыгакак виктарен шогаш тӱҥалыеш манын ӱшанен кодам. Пеш кугу тау!

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.