21-23 февральыште марий калык Ӱярня пайремым палемден. Йошкар-Оласе Патрийарший площадьыште калык ятыр погынен.
Саламлыме мутым Оньыжа, Марий Эл Кугыжаныш Погын вуйлатышын икымше алмаштышыже А.Иванов, Марий Эл тӱвыра рӱдер вуйлатыше В.Григорьев, тӱҥ марий онаеҥ А.Таныгин ойленыт. Пайремым руш ден марий калык йӱла почеш эртарыме. Калык «Акашево» агрохолдингын, Шернур сыр заводын ямдылыме «сернурский халумис» лӱман у кочкышышым тамлен, верысе кидмастар-влакын сатуштым, сувенирым налын кертын.  Южышт шкеныштым тӱрлӧ конкурсышто тергеныт. Ӱярня годым курык гыч мунчалтымыже мом шога!
Ече, издер дене оҥай таҥасымаш, «мончаш пурмо» калыклан пеш келшыш. Пайремыш толшо-влак чыланат мелнам тамленыт. «Ший аршаш», «Чон оҥгыр», «Кушна кундем», «Эрвий», «Весела кумыл» усталык коллектив-влак мастарлыкыштым ончыктеныт.
22 февральыште Ӱярня пайремым Советский район Ӱшнӱр школышто пайремленыт. Тыге калык Ӱярня арня дене чеверласен.

Автор: Михаил Скобелев.
Авторын фотожо.

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.