Элыштына сылнымут идалык шке вийжым налеш. Ятыр мероприятий сылнымут темылан эртаралтын, ончыкшым эше шуко мероприятийым, сылнымут касым да вашлиймашым эртараш палемдыме.
Лач тыгай поро, сылнымут шӱлышан вашлиймаш Марий Кугыжаныш университетын Калыкле тӱвыра да тӱвыра кокласе кыл институтыштыжо поэт Геннадий Сабанцев дене эртыш. 
Вашлиймашыш университетын туныктышыжо ден студентышт погыненыт. Мероприятий жапыште Геннадий Ояр шке илыш-корныжо, усталык пашаже нерген палдарыш. Возымо почеламутшо-влакым лудо.
Геннадий Леонидович Сабанцев икмыняр марий да руш книга-влакын авторжо, уста журналист семын калыклан палыме. Кужэҥер районысо Ирмарь ялыште шочын-кушкын. 1973 ийыште Саламатнур кандаш ияш школым, а 1975 ийыште Руссшой кыдалаш школым тунем пытарен. 1980 ийыште Марий Кугыжаныш университетым марий да руш йылмым туныктышо специальность дене тунем пытарен. Ынде ятыр ий тӱрлӧ СМИ-ште пашам ышта. 1999 ийыште «Марий Элын сулло журналистше» лӱмым налын.
Каласен кодыман, Геннадий Сабанцев сылнымут саскажым йӧратыше да пагалыше-влакым 14 апрельыште М. Шкетан лÿмеш Марий кугыжаныш драме театрыш пагален ӱжеш.

Автор: Николай Любимов, марий блогер.

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.