«Ӱжара волгалтме велыш»

Поэт Геннадий Сабанцев марий сылнымутышто нылле ий утла тырша. Шукерте огыл тудлан «Марий Элын калык поэтше» чап лÿмым пуымо. Тидлан Геннадий Ояр 14 апрельыште М.Шкетан лӱмеш Марий театрын сценыштыже усталык касым пöлекла. Тудым ик мурыжын лÿмжö дене манын — «Ӱжара волгалтме велыш».
Геннадий Леонидович Сабанцев икмыняр марий да руш книга-влакын авторжо, уста журналист семын калыклан палыме. Кужэҥер районысо Ирмарь ялыште шочын-кушкын. 1973 ийыште Саламатнур кандаш ияш школым, а 1975 ийыште Руссшой кыдалаш школым тунем пытарен. 1980 ийыште Марий Кугыжаныш университетым марий да руш йылмым туныктышо специальность дене тунем пытарен. Ынде ятыр ий тӱрлӧ СМИ-ште пашам ышта. 1999 ийыште «Марий Элын сулло журналистше» лӱмым налын. Ушештарем, тудлан шукерте огыл тудлан «Марий Элын калык поэтше» чап лÿмым пуымо.
Касыште Геннадий Сабанцев шке почеламутшо-влакым лудеш. Поэтын мутшылан возымо муро-влакым мурат: Иван Смирнов, Алина Егошина, Роза Искакова, Влад Николаев, Виктор Апталиков, Надежда Тимофеева, Дмитрий Чайников, Галина Якушева, Cаша Иванов, Вячеслав Осипов ден Лариса Петрова (скрипкам шокта), Людмила Дмитриева, Юрий Григорьев, Анфиса Эманова, Мария Шишкина, Анна ден Мария Лебедевамыт, Юлита ден Даниил Кораблёвмыт.
18 шагатлан тÿҥалеш.

Йошкар-Оласе афише… Ончаш »

Кидшер
Шонымашым ешараш