«Марнетын шӱдыржӧ – 2014»

Кок тӱжем латкокымшо ий гыч Марий Эл Республикысе тÿвыра, печать да калык-влак паша шотышто министерстве ты темлыме пашам сайлан шотлышо министерстве, тӧнеж, организаций-влак дене пырля марла возышо сайт, портал, блог да интернет-тӱшка-влак коклаште конкурсым эртара. Министерствын печать да тӱшка коммуникаций виктемже увертарымыж почеш, конкурс Марий Элысе да шочмо калыкын тÿшкан илыме кундемласе марий-влак икте-весышт дене илышын тÿрлö йыжыҥжым интернет гоч келгынрак вашла палдарен кертышт да икте-весышт дене кутыраш сай йöн лийже манын кок ийлан ик гана эртаралтеш. 
Теве кок тӱжем латнылымше ийыштат «Марнетын шÿдыржö-влак» конкурс эртаралтеш. Конкурсышто кеч-кушто илыше, кеч-могай гражданстван, тыгодым марий йылме дене интернет-дневник ден интернет-тӱшкам вÿдышö, сайт ден портал-влакым (тыгак нунын иктаж ужашыштым) ыштыше да шуяш полшышо организаций-влак да посна еҥ-влак вийыштым терген кертыт. Тыгодым сайтын кушто регистрироватлалтмыжат шотыш ок налалт. Кызыт Марий Эл Республикысе тÿвыра, печать да калык-влак паша шотышто министерстве конкурсышко йодмашым налеш. Шукерте огыл Зоя Дудина деч «Марий йылме дене эн сай сайт (интнернет-дневник)»  номинацийышке йодмаш пурен. Тенданат кумылда уло тиде конкурсышто вийдам тергаш? Положенийым тыште налын кертыда.

Йолташ-влаклан палдараш
Кидшер
Шонымашым ешараш

  1. MariBlog

    Вот кызыт мый шонем колташ конкурсыш завякым але уке. Кузе шонет?

    Ответить
    1. viktaryshe автор

      Ну, тиде тыйын пашат, кумылет уло гын, колто!

      Ответить