«Кугарня» газет редакций кажне ийын Воштылчык кечын «Воштылаш, товатат, сулык огыл!» мыскара конкурсым эртара. Икымше гана тудо 1994 ийыште кок кече – 1 да 2 апрельыште – М.Шкетан лӱмеш театрыште лийын. Тунам тудым «Кугарня» газет да «У вий» самырык мер ушем эртареныт.
Тений, 1 апрельыште марий мыскараче-влакын поро йӱлаш савырныше пайремышт коло кокымшо гана эртыш.
Чылаже фестивальыште Йошкар-Ола гыч да республикынан Волжск, Морко, Оршанке, Советский, Звенигово, Параньга районлаж гыч да Пошкырт кундем гыч 15 еҥ шке усталыкше дене палдарен. Кажне толшо уна мо дене гынат ойыртемалтше лийын. А эн тале мыскараче-влакым жюри пӧлек да таумут дене палемден.
«ЕГЭ» сценке дене Оршанке район гыч Римма Кудравцева, Ирина Кудрявцева, Елена Рыбакова да Александр Ешпатыров кумшо верым нальыч. «Йӧратымашым кычалам» сценке дене Советский районысо Кужмара гыч Валентина Ефремова ден Вера Мочаева да «Беби бум» мыскара дене Сергей Карпов, Александр Кожевников, Виталий Кудрявцев, Вера Горохова кокымшо вер дене палемдалтыч. А икымше верым мыскара муро дене Андрей Васильев нале.
Пайрем касыште шке мураршашыштым тыгак марий эстрадын шӱдыржӧ-влак пӧлекленыт.

Воштылаш товатат сулык огыл
Воштылаш товатат сулык огыл – 2015 (12)
Воштылаш товатат сулык огыл – 2015 (10)
Воштылаш товатат сулык огыл – 2015 (9)
Воштылаш товатат сулык огыл – 2015 (6)
Воштылаш товатат сулык огыл – 2015 (14)
Воштылаш товатат сулык огыл – 2015 (15)

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.