А те паледа кунам Марий талешке кече пайрем шочын? Историйыш ончалына гын, икымше гана, Марий Талешке кечым 1917 ийыште палемдыме. Тунам Пӱрӧ олаште эртыше Икымше Пӱтынь Российысе Марий-влакын погыныштышт тиде пайрем нерген марий интеллигенций увертарен. Тыге марий ончылъеҥ-влак XX курымышто шке эртымгорныжым кумдан да кӱкшын аклен ончалыныт. 
Тӱрлӧ амаллан кӧра тиде шонымаш деч ик жаплан кораҥыныт. Лач 1991 ийыште икымше гана Марий Талешке кечым угыч пайремленыт. Тидын деч вара кажне ийын Марий Талешке кече пайрем эрта.
Мемнан редакторна-влак, 2016 ийыште Талешке кечылан пӧлеклалтше мероприятий-влакым иктеш чумыраш тыршеныт.
24 апрельыште 10 шагатат 30 минтутлан Марий Элысе йоча да самырык-влаклан театр-рӱдер, Марий Элысе тӱвыра да келшымаш кыл шотышто «ВийАр» мер ушем, «Ямде лий» йоча газет Талешке кечылан пӧлеклалтше «Шарналте тыят тукыметым» йоча пайрем концертыш ӱжыт. Концерт Марий Элысе йоча да самырык-влаклан театр-рӱдерыште лиеш.
26 апрельыште мер аланыште тыршыше-влак Талешкына-влакын шарнымаш кӱшт, оҥашт деке лектыт, сортам чӱктат.
15 майыште М.Шкетан лӱмеш марий кугыжаныш драме театрыште Юрий Петрович Русановым шарныме лӱмеш концерт лиеш. Тиде концертыште ужалыме билет деч шийвундо Юрий Петровичлан чапкӱм ышташ кая.

Тышке теат шке мероприятийдам ешарен кертыда. Талешке кечылан тендан дене мо эрташ тӱҥалеш, молымат палдарыза!

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.