8 C
Йошкар-Ола

«Ший Талешке» фестиваль самырык-влакым чумыра!

Самырык-влакым Кугу Отечественный сарын геройжо-влак, марий калыкын талешкыже-влак дене палдараш да нунын лӱмыштым кумданрак шарен колташ манын, 24 апрельыште Йошкар-Олаште «Ший Талешке» республик кӱкшытан фестиваль эрташ тӱҥалеш. Тыште сарын геройжо, талешке-влак нерген презентаций шотан паша-влак ончыкталташ, конкурсышто участвоватлаш тӱҥалыт.
Фестиваль кок этап дене эртаралтеш: ондак районлаште лиеш, вара республик кӱкшытыштӧ эрта. Кызыт Марий Элысе районла ден олалаште самырык-влак деч конкурсыш ушнаш йодмашым налыт.
Районласе конкурсышто сеҥыше-влакын презентацийышт 24 апрельыште 10 шагатлан Марий кугыжаныш университетын актовый залыштыже лиеш (1-ше №-ан тунемме корпус – педагогический институтын корпусшо: Кремлёвский урем, 44-ше № пӧрт). Конкурсын республик кӱкшытан йыжыҥышкыже ушнаш йодмашым 22 апрель марте mari-centr@mail.ru электрон почто дене вучат.
Тыгак фестиваль пелен, «Салтак солык» акций эрта. Акцийыш ушнашлан 52х52 см. форман материалыш (габардин) салтакын фамилийжым, лӱмжым, ачалӱмжым, сарыш кайыме, колымо, йоммо ийым, званийым да наградым тӱрлыман. Материалым посна тӱсаным ойырыман: сареш вуйым пыштышылан – йошкарге, сареш йомшылан – ошо, сар деч вара колышылан – ошалге канде. Тышке йодмашым 20 апрель марте колтыман.
Фестивальым эртарат: Марий Эл тӱвыра, печать да калык-влакын пашашт шотышто министерстве, Туныктыш да шанче министерстве, Марий кугыжаныш университет, Республикысе марий тӱвыра рӱдер, Финн-угор университет-влакын студент да аспирант-влакыштын ассоциацийышт.

Тыгак лудса

ОСТАВЬТЕ ОТВЕТ

Пожалуйста, введите ваш комментарий!
пожалуйста, введите ваше имя здесь

Лимит времени истёк. Пожалуйста, перезагрузите CAPTCHA.

spot_img

Увер йогын

Кызыт лудыт