Марий йылмым аралыме да вияҥдыме шотышто шуко паша ышталтеш: марий шӱлышан мероприятий-влак эртат, у технологий шыҥдаратеш, Интернетыште посна еҥ-влак марий лышташым, блогым, сайт-влакым вӱдат. Но таче йылмым арален кодаш, шанче могырымат кугу тыршымаш, вий кӱлеш.
Марий кугыжаныш университетыште 1 апрель гыч «Марий йылме» шанче-шинчмаш да йылме технологий рӱдер пашам ышта. Тудым вуйлаташ филологий науко кандидат Елена Михайловна Андриановалан ӱшаныме. Ты пашашке кӱкшӧ шинчымашан шанчызе-влак ушненыт.
Рӱдер школысо, колледжысе, университетысе туныктышо-влаклан методике полышым пуаш, марий википедийым улаҥдаш, марий йылме корпусымат ышташ тӱҥалеш.
«Марий йылме» шанче-шинчымаш да йылме технологий рӱдер шке пашажым кӱлеш семынак шукташ тӱҥалеш манын ӱшаныме шуэш.

Автор: Николай Любимов,
«Кидшер» интернет-журналын тӱҥ редакторжо.

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.