24 апрельыште Мер политик рӱдерыште «Марий Форум: шошо сессий» эрташ тӱҥалеш. Уна-влак республикнан кажне районжо гыч да марий-влакын тӱшкан илыме Удмуртий, Башкортостан, Татарстан да моло кундем гыч погынышаш улыт. Ты гана «Марий йылмым, тӱвырам да йӱлам аралыме пашаште тӱшкаувер йӧн-влакын надырышт» теме дене мутланымаш эрта. «Марий Форум: шошо сессийын» программыжым ончалаш темлена.
09.00 – 13.30 – Мер Каҥашын VII кумдаҥдыме Пленумжын погынымашыже.
«Марий йылмым, тӱвырам да йӱлам аралыме пашаште тӱшкаувер йӧн-влакын надырышт (икымше марий йылме дене савыкталтше газетын 100 ияш юбилейжылан)» теме дене кугу мутланымаш. Докладым икымше оналмаш  Мочаев Валерий Александрович да «Марий Эл» газетын тӱҥ редакторжо  Абдулов Александр Саликович ыштат.
11.00 – 11.15 – Каныме жап;
11.15 – 13.00 – Тӱҥалме йодышым лончылымаш;
13.00 – 14.00 – Кечывал кочкыш;
14.00 –16.30 – «Марий йӱлам вӱдымӧ паша радам» теме дене Мер Каҥашын да марий активын еҥ-влаклан туныктымо семинар. Вӱдышӧ-влак: Марий Эл Республикын тӱҥ картше  Таныгин Александр Иванович ден икымше оналмаш Мочаев Валерий Александрович.
16.45 – 17.45 – Кас кочкыш;
18.00 – 20.00 –  М. Шкетан лӱмеш Марий кугыжаныш драме театрыште «Вучо, мане, пӧртылам» спектакльым ончымаш.
Форум годым Денис Речкинын фотосӱрет ончерже да  «Марий Эл ТВ»-ын презентацийже лиеш.

3 ВАШМУТ-ВЛАК

  1. Вара кумалаш тӱҥалешда, йӱымым чарна мо? Мыйын палымем-влак кумалыт гынат, аракам йӱыт! Тендан шонымашда дене ом келше!

  2. «Марий йӱлам вӱдымӧ паша радам» теме дене Мер Каҥашын да марий активын еҥ-влаклан туныктымо семинар.

    Ынде марий калыкым кумалаш туныктат мо? Тидыже воштылаш амалым веле луктеш! 😀

Добавить комментарий для Валентин Гвоздев Отменить ответ

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.