16 апрельыште Марий туныктыш институтышто республик кӱкшытыштӧ эртаралтше «Учаев лудмаш» IV шанче-практик конференций лиеш.
Конференцийын тӱҥ цельже – туныктымаш пашаште йылме правам да этнокультур йодмашым илышыш пуртымаште тыршыше-влакын профессионал да шанче-шымлыше мастарлыкыштым шуарымаш.
Конференций эртыме годым З.В. Учаевын пашаже-влак дене палдарымаш ончер пашам ышташ тӱҥалеш. Профессионал конкурслаште сеҥыше туныктышо-влакын у пашашт дене палдарымаш, учебно-методической да художественный литературым, периодический изданий да сувенир-влакым ужалымаш лиеш.
Конференцийыш образований управлений-влакын специалистышт, шанче пашаеҥ-влак, тӱрлӧ тунемме тӧнежла гыч туныктышо-влак, калык организаций-влакын ӱшанъеҥышт да йылме верч тургыжланыше чыла кумылан еҥ-влак ушнен кертыт.
Конференций Марий Эл республикын кугыжаныш йылме-влакше дене эртаралтеш.
Паша радам:
Регистраций 9 шагатлан тӱҥалеш.
10 шагат гыч конференцийым торжественно почмаш, пленар заседаний лиеш.
12 шагатлан семинар да мастер-класс-влак ончыкталтыт.
15 шагатлан йыргешке ӱстел, конференцийым иктешлымаш эртаралтеш.
Конференций эртыме вер: Марий Эл, Йошкар-Ола, Семёновка села,
Интернатский урем, 7-ше номеран пӧрт, ГБОУ ДПО (ПК) С «Марийский институт образования».

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.