Сылне марий йӱкшӧ дене тӱня мучко чапландаралтше Раисия Петряеван ӱмыржӧ 28 ияш улмыж годым кӱрылтын. Раисия Александровна ила ыле гын, тений тудлан, 21 мартыште 60 ий темеш ыле. Кызыт тыланда ме Раисия Александровна Петряева нерген «Марий Эл» кугыжаныш теле да радио компанийын «Пошкудем» передачыште шукерте огыл, Раисия Петряевалан пӧлеклалтше материалым тыланда ончалаш темлена.
1983-шо ийыште август мучаште марий телевидений Раисия Петряеван мурымыжым возен. Передачын режиссёржо Валерий Свистунов, редактор Петр Степанов. Нигӧат але ок пале, Раялан тиде возыш икымше да пытартыш лиеш.
Муро аршашын эфирыш лекмыжым чыланат вучат. Тудым сентябрь тӱҥалтыште лукташ палемдыме. Раян чонжо вургыжеш, но огеш пале, молан…
Сентябрь тӱҥалтыште передаче эфирыш лектеш. Мурызо ден гармоньчо весела мурым йоҥгалтарат. Ик муро почеш весе йоҥга. Раисия Петряеван яндар йӱкшӧ нерген уло Марий Элна пален налеш.
Передачын эфирыш лекме деч вара арня гыч, 11-ше сентябрьыште, нылыт ден вич шагат гутлаште Раян шӱмжӧ кырымым чарна.
Раисия Петряеван илыш-корныжым кумданрак да келгынрак тудын родо-тукымжо, поро йолташыже да пырля ашам ыштыше еҥ-влак почын пуат.
Автор: Людмила Васютина,
«Марий Эл» кугыжаныш теле да радио компанийын журналистше.
C. Пехметован фотосӱретше.
Снимкыште: Р.Петряеван шӱгар ӱмбалныже – «Марий памаш» фольклор
да этнографий ансамбльын участникше-влак;