Татьяна Денисова сылне концертым эртарен!

Марий Элын сулло артисткыже Татьяна Денисова калыклан угыч сылне концертым пӧлеклыш. Вет 1 мартыште эртыше усталык касыш чылан логалын кертын огытыл, садлан мурызо тидым шотыш налын, 19 апрельыште, чон гыч лекше мурыжым уэш йоҥгалтарыш.
Татьяна Денисован концертышкыже ятыр родыжо, йолташыже, пырля пашам ыштыше коллегыже да тудын мурыжым колышташ йӧратыше-влак погыненыт.
Йӧратыме мурызына ончаш толшо калыклан муралтен, кушталтен, гармонь денат шокталтен колтен. А касым Василий Якимов, Эльвира Токташева, Роза Искакова, Валерий Тихонов, Марина Садова, Лидия Платунова да Ольга Зарецких сӧрастараш полшеныт.
Татьяна Яковлевнан усталык пашаже ушнен шогыжо, ончыкыжымат ме сылне деч сылне муро-влакым вучаш тӱҥалына.

Концерт деч ончыч, «Кидшер» интернет-журнал Татьяна Денисова дене вашлийын мутланен… Лудаш »

Автор: Николайй Любимов,
«Кидшер» интернет-журналын тӱҥ редакторжо

Кидшер
Шонымашым ешараш