Марий талешке кечылан пӧлеклалтше Эстонийыште тӱрлӧ мероприятий ямдылалтеш. Тыге, 29 апрельыште 17 шагатлан Таллин тошто олан театр залыштыже, Марий Талешке кече эрта. Тыште Яков Павлович Майоров-Шкетанын «Кок сӱанат пеле» пьесыже ончыкталташ тӱҥалеш.  Пьесым марий йылме гыч эстон йылмыш марий рвезе Алексей Алексеев кусарен.
Икымше гана «Кок сӱанат пеле» пьесе Эстонийыште эртыше «Театр кӱвар» фестивальыште ончыкталтын. Фестивальыште жюри спектакльым «Классикым эн сылнын кусарыме пьесе» лӱман премий дене палемден.  Каласен кодыман, марий рвезе Алексей Алексеевын сценыште Сергушын рольжым чоҥымылан «Эн сай пӧръеҥ роль» номинацийыште палемдалтын.«Кок сӱанат пеле» спектакльым Сао гимназийыште тыршыше туныктышо-влак шынденыт.
Спектакль деч вара Таллиныште Марий кас эрта. Марий касым Звенигово район гыч «Олык сем» ансамбль сӧрастараш тӱҥалеш.

  • Марий калыкын илышыжым киношко войза! Лудаш »
  • Алексей Алексеев: «Шкетанын мландыштыже» фильмым ныл йылме дене ончен кертыда! Лудаш »
  • «Кок сӱанат пеле» эстон йылме дене! Лудаш »
  • «Кок сӱанат пеле» спектакль премийым налын! Лудаш »

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.