24 апрельыште Йошкар-Олаште Мер Каҥашын «Марий форум: шошо сессийже» эртыш. Форумышко Одо, Пошкырт, Киров, Татарстан, Пермь, Угарман да Марий Элын тӱрлӧ районжо гыч тӱрлӧ виктышыште сферыште улшо еҥ-влак погыненыт.
Тӱҥ темылан «Марий йылмым, тӱвырам да йӱлам аралыме пашаште тӱшкаувер йӧн-влакын надырышт» теме дене мутланымаш эртен.
Тӱҥ докладым икымше оналмаш Валерий Александрович Мочаев ыштен. Тыгак «Марий Эл» газетын тӱҥ редакторжо Александр Саликович Абдулов выступатлен. Тыгак ятыр йодыш-влакым марий газет ден журнал, интернет-изданий-влакын тӱн редакторышт нӧлтальыч.
Историй шанче кандидат Никандр Попов форумыш погынышо-влаклан. «Самырык тукым да марий калыкын чон поянлыкше» теме дене выступатлыш.
Варажым «Марий йӱлам вӱдымӧ паша радам» теме дене Мер Каҥашын да марий активын еҥ-влак туныктымо семинарым эртарышт.
Форум годым Денис Речкинын фотосӱрет ончерже да «Марий Эл ТВ»-ын презентацийже лийын.
Кастене, каныме семын М. Шкетан лӱмеш Марий кугыжаныш драме театрыште «Вучо, мане, пӧртылам» спектакльым ончымаш темлалтын.

Эльвира Терентьеван фотожо.

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.