Ынде Республикысе марий тӱвыра рӱдерым 13 май гыч Наталья Пушкина вуйлата.
Наталья Пушкина тылеч ончыч Марий Эл Радиошто тӱҥ редакторлан тыршен. Туге гынат, Наташан йӱкшӧ радио эфирыште йӧршынак огеш йом, шуэнрак гына эфирыш лекташ тӱҥалеш.
Наташа Пушкина Морко кундем Марий Кужер ялын ӱдыржӧ улеш. Калык тудым радиовӱдышӧ семын гына огыл, тыгак сценарист, режиссёр, мурызо, мыскараче, мер пашаеҥ, Мер Каҥашын да «Марий калык конгресс» мер толкынын еҥже, Олык Ипай лӱмеш премийын лауреатше, «Саскавий» ӱдырамаш ушемын еҥже семын палат.
Наташа самырык жапше гычак мер пашашке кумылын ушнен шоген. «У вий» самырык-влакын ушемыштлан негызым пуышо-влак коклаште лийын. Марий КВН-ым лач тудак шке йолташыж-влак дене пырля тӱҥалын.  У семын шонымыж дене марий концерт да дискотеке-влаклан у шӱлыш дене у сыным пуэн, у формат-влакым тӱвыра мероприятий-влаклан темлен. Радиоштат Наташан программыже-влак ойыртемалтше, шкешотан улыт.
Республикысе марий тӱвыра рӱдерыште шке пашажым моло вере гаяк сайын да шот дене ышташ тӱҥалеш, шонена. Адакшым, Наташа рӱдерын пашажым утларак кумдаҥдаш да калыклан шукырак пашам ышташ палемден.

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.