«Пеледыш аршаш» йоча марий вургем конкурс!

Йоча-влак шке тӱвыраштым, йӱлаштым, йылмыштым йӧратышт, пагалышт да аклышт манын, Республикысе марий тӱвыра рӱдер «Пеледыш аршаш» лӱман йоча марий вургем конкурсым эртара.
Конкурс 20 июньышто Йошкар-Оласе Рӱдӧ тӱвыра да каныме паркыште кеҥеж эстраде аланыште 14 шагатлан, Пеледыш пайремым эртыме годым эрташ тӱҥалеш.
Организатор-влак конкурсыш тӱрлӧ ийготан-влакым уло кумылын ӱжыт: изи ӱдыр гыч тӱҥалын кова-влак марте. Кидмастар-влакат ушныза. Йоча-влакын марий вургемым чийымыштым республикнан пагалыме кидмастарже-влак аклаш тӱҥалыт. Вургемын сӧраллыкшым, каплан келшымыжым, тӱрын верланымыжым, йочан ийготшым шотыш налыт.
Конкурсыш ушнаш шонышо-влак Оргкомитетыш ончычак йодмашым колтен кертыт. Тидлан 8 (8362) 45-88-51 телефон дене йыҥгыртыман але mari-centr@mail.ru  электрон почтыш йодмашым возыман. Конкурсыш ушнышо-влаклан Республикысе марий тӱвыра рӱдер сертификатым ямдыла.
Марий шӱлышан лийза! Ида вожыл марий улмыда деч!

Йолташ-влаклан палдараш
Кидшер
Шонымашым ешараш