«ВийАр» тӱвыра да келшымаш кыл ушем ынде ик ий утла Т. Евсеев лӱмеш тоштер пелен «Йыргешке пӱкен» лӱман шкешотан клубын погынымашышкыже чумыргат. Тыште нуно оҥай да шкешотан теме-влак почеш мутланымашым эртарат.
Черетан вашлиймаш филологий науко кандидат, Хельсинки университетын доцентше, палыме этнограф Ильдико Лехтинен дене эртен.
Активист-влак калык кокласе да самырык тукымлан келшыше проект-влак нерген каҥашеныт. Марий вургемым тыглай кечын чийыме нерген мутым луктыныт.
Палемдыман, тыгай погынымаш оҥай еҥ дене вашлияш, усталык кӱкшытым нӧлташ да шке шонымашым илыш шыҥдараш полшен шога.
Автор: Николай Любимов,
«Кидшер» интернет-журналын тӱҥ редакторжо.