-9 C
Йошкар-Ола

«iВолга – 2015» форумлан ямдылалтыт!

Юл кундем федерал округышто регион-влак кокласе самырык-влакын «iВолга» форумымышт тений кумшо гана Самара областьысе Мастрюковский ер воктене погына. Тудо 17 гыч 27 июнь марте шуйна. Тушто 9 смене лиеш.
Форум вашеш МарГУ-што проект-влакым ямдылыме шотышто кугу паша ышталтын: мастер-класс ден тренинглам эртарыме, консультацийым пуымо, самырык тукымым уш-акыл пудыратыме «штурмыш» ушымо. Тыге 154 проектым «кӱэшт» лукмо. Тидын шотыштак тыгай направленийла дене: «Инноваций да технический творчество» – 27, «Тый – предприниматель» – 23, «Изи эл – кугу йӧн» – 23, «Порылык технологий» – 22, «Арт-квадрат» – 14, «Увер йогын» -13.
Марий Эл деч чылаже конкурсышко 265 проект пурен, эксперт комиссий тушечын 85 эн сайжым ойырен налеш. Лач нуным «iВолга – 2015» форумышто аклаш тӱҥалыт.

Автор: Леонид Гимаев.

Читайте также

ОСТАВЬТЕ ОТВЕТ

Пожалуйста, введите ваш комментарий!
пожалуйста, введите ваше имя здесь

Лимит времени истёк. Пожалуйста, перезагрузите CAPTCHA.

Увер йогын

Кызыт лудыт