Российысе туныктымо да шанче министерство элысе вуз-влакын эффективный улмышт шотышто черетан мониторингым эртарен. Тушто палемдыме шым критерий гыч Марий кугыжаныш университет шымынек шуктен. Тиде республикысе вуз-влак коклаште эн сай лектыш.
Мониторинг годым туныктымо, шанче-шымлыме, экономике да финанс паша, йот элласе студент-влакым туныктымаш, выпускник-влаклан пашаверым мумаш да моло показательымат тергеныт.  
Ик тӱҥ критерийлан научно-шымлыме паша шотлалтеш. Тыште МарГУ сай лектышыш шуын. Ученый-влакын возымо шанче прект чот ий еда ешаралт толеш. Кодшо ийыште эртарыме мониторингыште шумо показательым 85 утла процентлан утларак темыме. А йот элла гыч тунемаш толшо студент-влакын чотыштат ятыр гана ешаралтын.
Университет ий еда кадрым ямдылыме пашам саемден толеш. Кодшо ийын «Эмлыме паша» у специальностьым почмо гын, тений «Фармаций» специальностьыш да «Нефтехимий» профилильыш студент-влакым тунемаш налыт.
МарГУ- икымше классический университет – жапын йодмыж дене тӧр ошкылеш да республикылан кӱшыл шинчымашан специалистым ятыр ямдыла.

Автор: Леонид Гимаев

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.