МарГУ абитуриент-влакым ӱжеш!

Марий кугыжаныш университет шке чапшым кече еда нӧлтен толеш, тудо престижный да эффективный тунемме тӧнежлан шотлалтеш. Пытартыш ийлаште тыште ончыко кугу ошкылым ыштыме: материальный базым пеҥгыдемдыме, тӱшкагудылаште илыме условийым саемдыме. Вузышто у инноваций технологий кумдан шыҥдаралтеш, шанче-шымлыме паша вийым налеш. Кодшо ий сентябрьыште «Эмлыме паша» у специальностьым почмо. Тыге медицине кадрым шкенан республикыште ямдылаш сай негызым пыштыме. Врач-влакым клинический эмлмывер-влак базеш туныктат.  Тений 1 сентябрь гыч «Фармаций» специальностьыш икымше набор лиеш, провизор-влакым ямдылаш тӱҥалына. Тыгак у «Нефтехимий» профиль почылтеш.
Тачысе кече гыч Марий кугыжаныш университет абитуриент-влак деч йодмашым налаш тӱҥалын. Документым 25 июль марте пуаш лиеш. Чыла кӱлеш уверым вузын сайтыштыже муын кертыда.
Пагалыме выпускник-влак, ме тендам МарГУ-н чапланыше студент радамышкыже ушнаш ӱжына. Те тыште, качественный кӱшыл шинчымашым налын, ончыкылык профессиональный карьерьлан пеҥгыде негызым пыштеда!

Пагален, МарГУ-н ректоржо М.Н. Швецов.

Кидшер
Шонымашым ешараш