Элыштына тӱрлӧ йылме дене кутырышо, тӱрлӧ илыш йӱлам кучышо кок шӱдӧ наре калык ила: изи чотанат, кугу чотанат. Калык – элнан ик эн тӱҥ поянлыкше. Кеч-могай калыкын ончыкылыкшо – самырык тукымын кидыштыже.
26 июньышто Российыште молодёжын кечыже палемдалтеш. Йошкар-Олаште самырык-влаклан тӱрлӧ сынан мероприятий-влак эртеныт. Ик тыгай мероприятийыште «ВийАр» тӱвыра да келшымаш кыл ушемат лийын. 
Рӱдӧ тӱвыра да каныме паркын эстраде аланыштыже «Ме пырля улына» самырык-влаклан фестиваль эртен. Фестивальын программыж почеш  калыкле тӱвыра  ушем-влакын ончерышт пашам ыштеныт.
Пайремыш Йошкар-Ола шкевиктемын главаже Александр Принцев саламлаш толын.
Шке калыкышт, тӱвырашт нерген марий, татар, чуваш, армян, узбек-влак кочкыш, мурен-куштымаш, модыш гоч ончыктеныт. Мероприятий тӱрлӧ калыкын семже почеш куштымаш дене мучашлалтын.

Ончер-влак (1)

«ВийАр» тӱвыра да келшымаш кыл ушемын пресс-службыжо.

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.