Калыкыште ойлат: «Паша айдемым сӧрастара, а ура чонан еҥ кеч-могай пашамат ворандара». «Россий верч» общероссийский калык фронтын (ОНФ) Марий Элысе региональный пӧлкажын пресс-службыжым вуйлатыше, «Кидшер» интернет-журналын редакторжо, поро йолташна Ольга Леонидовна Кузьмина таче, икымше июльышто шке шочмо кечыжым палемда. 
Тиде кечын тудым шуко йолташыже, коллегыже, палымыже да палыдымыжат саламлаш вашкат. Вет, чынже денак, поро чонан Курыкмарий вел ӱдыр шочмо марий калыкшылан эре полша: кертмыж семын неле-йӧсым сеҥаш йӧным кычал муеш, марий калык нерген нигунамат огеш мондо.
Ольгам сылне пайремже дене эше ик гана шокшын-шокшын саламлена, тыланена: пеҥгыде тазалыкым, волгыдо да яндар илыш корным, пиалым, сеҥымашым да тек тыйын чыла шонымашет шукталтеш. Ольга, умбакыжат калыкнан ӱшанле эҥертыш лийын код.

«Кидшер» интернет-журналын коллективше

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.