Марий калыкна Российын да йот элын тӱрлӧ кундемлаштыже ила. Тӱрлӧ амаллан кӧра, илен-толын калыкын йӱлаже, тӱвыраже да йылмыже вашталт толеш.
Моло кундемлаште илыше марий-влак нерген материалым погымаште Т. Е. Евсеев лӱмеш тоштерын пашаеҥышт изи огыл пашам шуктен шогат.
Пеледыш тылзын 8 гыч 18 кечылаште Татарстан кундемысе марий калыкын тӱшка илыме верлашке международный этнографийысе экспедиций миен коштын.
Тиде экспедицийыште Марий Элысе Т.Е. Евсеев лӱмеш калыкле тоштерын этнографий пӧлкаже гыч историй шанче кандидат Д.А. Байдимиров да А.А. Айгузина, МарНИИЯЛИн этнологий пӧлкаже гыч историй шанче кандидат Т.Л. Молотова да Финляндий гыч философий шанче доктор Илдико Лехтинен лийыныт. Нуно Татарстаныште илыше эрвел марий калыкын тӱвыраштым да илыш-йӱлаштым шымлыме да погымо пашам эртареныт. Погымо материалым Т.Е. Евсеев лӱмеш тоштерыште «Марий ӱдырамаш» виртуальный ончерым ямдылыме годым кучылталташ тӱҥалыт.
Лу кече жапыште шанче экспедиций Татарстан республикысе шым районыштыжо коштын савырнен. Тиде – Балтасинский, Кукморский, Мамадышский, Мензелинский, Муслюмовский, Елабужский и Менделеевский район-влак. Шымлызе-влак Мензелинский районысо Калтаково ялысе марий калыкын Семык пайремыштыже да Муслюмовский районысо Марий Буляр ялысе кумалтышыште лийыныт. Экспедиций годым тыгак пайрем йӱла, кумалтыш нерген умылымаш да эрвел марий калыкын илышыж нерген ятыр информаций да фото возалтын.

Экспедиций Евсеев тоштерын (4)

Экспедиций Евсеев тоштерын (3)

Экспедиций Евсеев тоштерын (2)

Экспедиций Евсеев тоштерын (1)

ВАШМУТЫМ КОДЫЩА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.